طالب الأنبا أنتوني، أسقف شرق إنجلترا واسكتلندا وأيرلندا للأقباط الأرثوذكس، الأقباط بعدم نشر اللقطات المؤلمة التي تعرض خلالها شهداء الكنيسة القبطية للقتل بالمنيا، حفاظا على مشاعر ذويهم وأصدقائهم.
وقال الأنبا أنتوني، عبر حسابه الرسمي بموقع التواصل الاجتماعي فيسبوك: «الإرهابيين هاينشروا صور وفيديو الشهداء، أرجوكم ماحدش يشير الصور دى، ولا حد ينشر الفيديو دا، بلاش نتعب أهالى الشهداء، ونحط صور ولادهم قدام عنيهم الإرهابيين حرقوا قلبهم، واحنا بالصور دى هانحرق قلبهم اكتر واكتر كل يوم، ياريت نبلغ بعض بالموضوع دا".
وتابع: «واللى هايعملوا ترانيم بلاش يستخدموا الصور، أو الفيديوهات فى كليبات ترانيمهم، نزلوا آيات معزية أو صور قديسين عظام، أو أقوال الآباء عن فرح الاستشهاد، علشان نريح القلوب اللى اتقهرت باللى حصل، ربنا يصبر قلوبنا كلنا، ويدينا القوة والتعزية لكل الأحداث».
وأضاف: «حصل إن أب وأم سألوني مين اللي أحسن مصر أم انجلترا أم اسكتلندا أم أيرلندا؟ طفلة صغيرة قالت لي قول لهم السماء أحسن».